Your Tajikistan

Дар сохтмони бинои баландошёнаи Душанбе қоидаҳои бехатарии барқ риоя нашудаанд Зимни санҷиши сохтмони бинои баландошёна дар ноҳияи Шоҳмансур зеристгоҳи трансформаторӣ дар ҳолати ғайриқаноатбахш қарор дошта, дар дохили он лой ва об ҷамъ шудааст. Ин ҳолат метавонист ба ҳаёту саломатии сохтмончиён ва дигарон хатар эҷод кунад. Ҳамчунин, дар иншоот истифодаи неруи барқ аз меъёри муқарраршуда зиёд будааст. Барои ин ҳолат санад ба маблағи 155 ҳазору 280 сомонӣ тартиб дода шудааст. Масъули сохтмон ва устои шабакаҳои барқи ноҳияи Шоҳмансур тибқи моддаи 382 Кодекси ҳуқуқвайронкунии маъмурии Тоҷикистон ҷарима шуда, маблағи умумии ҷаримаҳо 2340 сомонӣ-ро ташкил додааст. Ба иттилои Агентии назорати давлатии энергетикӣ, камбудиҳои ошкоршуда баъди санҷиш бартараф гардидаанд. 📲 Your.tj дар ➡️ Telegram / Facebook / Instagram / TikTok / Threads