Your Tajikistan

Қонуни нав: шаҳрвандони Тоҷикистон танҳо аз 18-солагӣ метавонанд ба муҳоҷирати меҳнатӣ раванд Шаҳрвандони Тоҷикистон минбаъд метавонанд танҳо пас аз расидан ба синни 18-солагӣ барои фаъолияти меҳнатӣ ба хориҷи кишвар сафар кунанд. Ин талабот дар Қонуни нави Ҷумҳурии Тоҷикистон «Дар бораи муҳоҷират» пешбинӣ шудааст. Қонуни мазкур 23 октябр дар рӯзномаи «Садои мардум» нашр гардидааст. Мувофиқи моддаи 16-и қонун, муҳоҷирати меҳнатӣ ба кишварҳое иҷозат дода мешавад, ки ҳифзи ҳуқуқи муҳоҷиронро таъмин мекунанд. Маҳдудияти синнусолии мазкур ба шаҳрвандони хориҷие низ дахл дорад, ки барои кор ба Тоҷикистон меоянд. Дар қонуни қаблии «Дар бораи муҳоҷират», ки соли 1999 қабул шуда буд, синни ҳадди ақали муҳоҷирати меҳнатӣ муайян нашуда буд. Он вақт ин масъала тибқи қонунгузории кишвари қабулкунанда ва созишномаҳои дахлдор танзим мегардид. 📲 Your.tj дар ➡️ Telegram / Facebook / Instagram / TikTok / Threads