Your Tajikistan

Аз 26 октябр то 6 ноябр беш аз 800 ҳазор кӯдак аз сурхча ва гулафшон эм карда мешаванд Аз 26 октябр то 6 ноябри соли 2026 дар Тоҷикистон маъракаи иловагии ваксинагузаронӣ бар зидди бемориҳои сурхча ва гулафшон баргузор мегардад. Дар доираи ин иқдом кӯдакони аз 6-моҳа то 5-сола ба иммунизатсия фаро гирифта мешаванд. Тибқи маълумоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, дар назар аст, ки дар ин маърака 818 ҳазору 399 кӯдак ваксина гиранд. Сурхча ва гулафшон бемориҳои сироятӣ буда, метавонанд ба саломатии кӯдакон таъсири ҷиддӣ расонанд. Ваксинагузаронӣ яке аз роҳҳои асосии пешгирии ин бемориҳо ва коҳиш додани хатари паҳншавии онҳо ба шумор меравад. Маъракаи иловагии иммунизатсия барои васеъ кардани фарогирии кӯдакон бо ваксина ва ҳифзи саломатии онҳо равона шудааст. Волидон метавонанд барои гирифтани маълумоти бештар дар бораи тартиби ваксинагузаронӣ ба муассисаҳои тиббии маҳалли зисташон муроҷиат кунанд. 📲 Your.tj дар ➡️ Telegram / Facebook / Instagram / TikTok / Threads