Your Tajikistan

Ҷамшед Исоев аз қаҳрамонии Осиё бо ду медал баргашт Шоҳмотбози тоҷик Ҷамшед Исоев дар чемпионати Осиё миёни собиқадорон ду медал ба даст овард. Ӯ дар мусобиқаи шоҳмоти классикӣ дар гурӯҳи синнусолии 50+ соҳиби медали биринҷӣ шуд. Дар ин бора Федератсияи шоҳмоти Тоҷикистон хабар медиҳад. Қаблан Исоев дар рақобатҳои шоҳмоти рапид медали нуқра ба даст оварда буд. Ҳамин тариқ, устоди байналмилалӣ ва қаҳрамони ҳашткаратаи Тоҷикистон бо ду ҷоизаи қаҳрамонии қитъавӣ баромад кард. Чемпионати Осиё миёни мардону занон дар гурӯҳҳои синнусолии 50+ ва 65+ аз 15 то 25 октябр дар шаҳри Ӯши Қирғизистон баргузор шуд. Дар он 74 шоҳмотбоз аз 11 кишвари Осиё, аз ҷумла гроссмейстерҳо ва устодони байналмилалӣ, ширкат карданд. Барои дарёфти медалҳо иштирокчиён дар се навъи мусобиқа: шоҳмоти классикӣ, рапид ва блиц рақобат намуданд. 📲 Your.tj дар ➡️ Telegram / Facebook / Instagram / TikTok / Threads