Your Tajikistan

🇹🇯🇯🇵 Ҷопон барои сохтмони зеристгоҳи барқӣ дар Душанбе грант медиҳад Ҳукумати Тоҷикистон ва Агентии Ҷопон оид ба ҳамкориҳои байналмилалӣ (JICA) созишномаи грантиро барои бунёди зеристгоҳи нави барқӣ дар шаҳри Душанбе имзо карданд. Созишнома 21 октябр аз ҷониби вазири молияи Тоҷикистон Файзиддин Қаҳҳорзода ва роҳбари намояндагии JICA дар кишвар Ёшимаса Такэмура ба имзо расид. Зеристгоҳи дорои иқтидори шиддатии 220/110/10 кВ дар қисми шарқии пойтахт, дар наздикии «Боғи Ғалаба» сохта мешавад. Иншооти нав ба беҳтар шудани таъминоти барқ, баланд бардоштани эътимоднокии шабакаҳои энергетикӣ ва қонеъ кардани талаботи рӯзафзуни сокинону корхонаҳои Душанбе мусоидат мекунад. Ҳамчунин, барои пайваст намудани муштариёни нав имкониятҳои иловагӣ фароҳам меорад. Имзои созишнома қадами навбатӣ дар густариши ҳамкориҳои Тоҷикистону Ҷопон дар соҳаи энергетика мебошад. 📲 Your.tj дар ➡️ Telegram / Facebook / Instagram / TikTok / Threads