Your Tajikistan

🇷🇺 Русия аз 3 ноябр қоидаҳои ихроҷи шаҳрвандони хориҷиро сахттар мекунад Аз 3 ноябри соли 2026 дар Русия рӯйхати қонуншикониҳое, ки метавонанд боиси ихроҷи шаҳрвандони хориҷӣ шаванд, васеъ мегардад. Тибқи иттилои Намояндагии Вазорати меҳнат ва муҳоҷирати Тоҷикистон дар Русия, минбаъд барои авбошии хурд, вайрон кардани тартиботи ҷамъиятӣ, итоат накардан ба талаботи қонунии кормандони мақомоти ҳифзи ҳуқуқ ва риоя накардани қоидаҳои баргузории чорабиниҳои оммавӣ низ метавонанд хориҷиёнро ихроҷ кунанд. Ин чора ҳамчунин ба паҳн кардани маводи экстремистӣ, барангехтани нафрат, амалҳое, ки ба ҳаракати нақлиёт халал мерасонанд, ва баъзе қонуншиканиҳои дигар дахл дорад. Намояндагӣ аз шаҳрвандони Тоҷикистон, ки дар Русия кору зиндагӣ мекунанд, даъват кардааст, ки қонунҳои ин кишварро риоя намоянд. 📲 Your.tj дар ➡️ Telegram / Facebook / Instagram / TikTok / Threads