Your Tajikistan

🏫 Дар Мастчоҳ бо ташаббуси имомхатибон ҳашт кӯдакистон бунёд мешавад Дар ноҳияи Мастчоҳ бо ташаббуси имомхатибони масҷидҳои ҷомеъ сохтмони ҳашт муассисаи таҳсилоти томактабӣ дар назар аст. Барои бунёди онҳо лоиҳаҳо омода гардида, қитъаҳои замин муайян шудаанд. 21 октябр Раиси вилояти Суғд Раҷаб Аҳмадзода зимни сафари корӣ ба ноҳияи Мастчоҳ бо нақшаҳои сохтмони иншооти соҳаи маориф ва корҳои ободонӣ шинос шуд. Тибқи иттилои масъулин, кӯдакистонҳои нав дар ҷамоатҳои шаҳраку деҳоти ноҳия сохта шуда, вобаста ба лоиҳа барои қабули аз 120 то 200 кӯдак пешбинӣ гардидаанд. Ҳангоми таҳияи тарҳҳои онҳо талаботу меъёрҳои соҳавӣ ба назар гирифта шудаанд. Раиси вилоят ин ташаббусро намунаи саҳми фаъолони ҷомеа дар ободонии маҳал ва рушди соҳаи маориф арзёбӣ кард. 📲 Your.tj дар ➡️ Telegram / Facebook / Instagram / TikTok / Threads