Your Tajikistan

Дар шимоли Тоҷикистон парки саноатии металлургияи ранга бунёд мекунанд Вазорати саноат ва технологияҳои нави Тоҷикистон, Ассотсиатсияи саноати металлҳои рангаи Чин ва ширкати «Тибет — Эверест» Ёддошти тафоҳумро оид ба ҳамкорӣ дар самти таъсиси парки саноатии металлургияи ранга дар шимоли кишвар ба имзо расониданд. Санад дар доираи сафари Сарвазири Шӯрои давлатии Ҷумҳурии Мардумии Чин ба Тоҷикистон ба имзо расидааст. ⚙️ Ҳамкории ҷонибҳо коркарди амиқи ашёи хоми маъданӣ, истеҳсоли маҳсулоти дорои арзиши баланди иловашуда ва маҳаллигардонии истеҳсолотро дар бар мегирад. Интизор меравад, ки татбиқи лоиҳа барои таъсиси ҷойҳои нави корӣ ва васеъ намудани имкониятҳои содиротии Тоҷикистон замина фароҳам оварад. Ба иттилои Вазорати саноат ва технологияҳои нав, ин ташаббус ба иҷрои ҳадафи стратегии кишвар саноатикунонии босуръат ва ҳамчунин таҳкими ҳамкориҳои саноативу сармоягузорӣ миёни Тоҷикистон ва Чин равона шудааст. 📲 Your.tj дар ➡️ Telegram / Facebook / Instagram / TikTok / Threads