Your Tajikistan

🇹🇯 Эмомалӣ Раҳмон Кодекси экологӣ ва қонуни нави муҳоҷиратро имзо кард Президенти Тоҷикистон Эмомалӣ Раҳмон 21 октябр як қатор қонунҳоеро, ки қаблан аз ҷониби Маҷлиси намояндагон қабул ва Маҷлиси миллии Маҷлиси Олии кишвар ҷонибдорӣ шуда буданд, ба имзо расонд. Ба иттилои манбаи расмӣ, дар байни онҳо Кодекси экологӣ, қонунҳои «Дар бораи ҳифзи рақобат» ва «Дар бораи муҳоҷират» ҷой доранд. Ҳамчунин, ба қонунҳо оид ба маҳдуд кардани истифодаи маҳсулоти тамоку ва истифодаи манбаъҳои барқароршавандаи энергия тағйиру иловаҳо ворид карда шуданд. Ҳадафи санадҳои нав рушди иқтисод ва фарҳанг, ҳифзи саломатии аҳолӣ ва муҳити зист, танзими муҳоҷират, дастгирии соҳибкорӣ ва беҳтар кардани шароити зиндагии мардум арзёбӣ мешавад. Матни пурраи қонунҳо дар нашрияҳои расмӣ ба табъ мерасад. 📲 Your.tj дар ➡️ Telegram / Facebook / Instagram / TikTok / Threads