Your Tajikistan

Ҳисор нақшаи даъвати тирамоҳиро ба артиш пеш аз муҳлат иҷро кард Шаҳри Ҳисор 21 октябр нақшаи даъвати тирамоҳии ҷавонон ба сафи Қувваҳои Мусаллаҳи Тоҷикистонро пеш аз муҳлат ва пурра иҷро намуд. То ин рӯз 446 ҷавон ихтиёран ба сафи Артиши миллӣ пайвастаанд. Дар ин бора хадамоти матбуоти шаҳри Ҳисор хабар додааст. 📋 Дар ташкили маъракаи даъват мақомоти иҷроияи ҳокимияти давлатии шаҳр, комиссияи даъват, комиссариати ҳарбӣ, мақомоти ҳифзи ҳуқуқ, прокуратура, шуъбаи шаҳрии ВКД, шуъбаи КДАМ ва намояндагони ҷомеа саҳм гузоштаанд. Тибқи иттилои Вазорати мудофиаи Тоҷикистон, то 12 октябр беш аз 40 шаҳру ноҳияи кишвар нақшаи даъвати тирамоҳиро иҷро карда буданд. Он вақт нишондиҳандаи умумии иҷрои нақша 84 фоизро ташкил медод. Душанбе низ нақшаро дар 15 рӯзи аввали даъват иҷро кардааст. 📅 Маъракаи даъвати тирамоҳӣ 1 октябр оғоз шуда, то охири моҳи ноябр идома меёбад. Дар ин давра шаҳрвандони аз 18 то 27-сола, ки солҳои 1999–2008 таваллуд шудаанд, ба хизмати ҳарбӣ даъват мешаванд. 📲 Your.tj дар ➡️ Telegram / Facebook / Instagram / TikTok / Threads