Your Tajikistan

🗿 Дар Хуҷанд нимпайкараи нахустин Президенти Тоҷикистонро гузоштанд Субҳи 21 октябр дар майдони «Ситораҳои Хуҷанд» аз нимпайкараи Қаҳҳор Маҳкамов, ходими давлатӣ ва сиёсии Тоҷикистон ва нахустин Президенти кишвар, пардабардорӣ шуд. Тавре хадамоти матбуоти раиси шаҳри Хуҷанд хабар медиҳад, дар маросим раиси вилояти Суғд, раиси шаҳри Хуҷанд, намояндагони мақомоти давлатӣ, собиқадорони меҳнат, аҳли зиё, шахсиятҳои маъруф ва наздикони Қаҳҳор Маҳкамов иштирок доштанд. Зимни чорабинӣ аз фаъолияти сиёсиву давлатии ӯ ва саҳмаш дар рушди иҷтимоию иқтисодии Тоҷикистон ёдоварӣ карданд. 📌 Қаҳҳор Маҳкамов 16 апрели соли 1932 дар шаҳри Хуҷанд таваллуд шудааст. Баъди хатми Донишкадаи кӯҳкории Ленинград фаъолияти меҳнатиашро дар соҳаи саноати кӯҳӣ оғоз карда, баъдан ба корҳои роҳбарӣ ва давлатӣ гузашт. Ӯ солҳои 1985–1991 Котиби якуми Кумитаи марказии Ҳизби коммунисти Тоҷикистон буд. Соли 1990 Раиси Шӯрои Олии Тоҷикистон интихоб шуда, моҳи ноябри ҳамон сол нахустин Президенти кишвар гардид. Маҳкамов то моҳи августи соли 1991 дар ин вазифа фаъолият кард. Баъд аз канор рафтан аз сиёсат ӯ солҳои зиёд узви Маҷлиси миллии Маҷлиси Олии Тоҷикистон буд. Қаҳҳор Маҳкамов 8 июни соли 2016 дар синни 84-солагӣ даргузашт. 📲 Your.tj дар ➡️ Telegram / Facebook / Instagram / TikTok / Threads