Your Tajikistan

Зани 26-сола бо гумони рабудани тифли навзод дар Душанбе дастгир шуд Кормандони милитсия зани 26-солаеро, ки дар рабудани тифли навзод аз таваллудхонаи №1-и шаҳри Душанбе гумонбар мешавад, дастгир кардаанд. Ба иттилои Раёсати ВКД дар шаҳри Душанбе, гумонбар Зарина Саймудинова, сокини ноҳияи Абдураҳмони Ҷомӣ мебошад. Ӯ дар натиҷаи чорабиниҳои оперативӣ-ҷустуҷӯӣ аз ҷониби кормандони шуъбаи кофтукови ҷиноятӣ муайян ва боздошт шудааст. Тифли навзодро дар ноҳияи Абдураҳмони Ҷомӣ пайдо карда, ба модараш баргардонидаанд. Ба иттилои мақомот, кӯдак сиҳату саломат аст. Вобаста ба ҳодиса Прокуратураи ноҳияи Исмоили Сомонӣ тибқи моддаи 130 Кодекси ҷиноятии Тоҷикистон парвандаи ҷиноятӣ оғоз кардааст. Тафтиши ҳолати ҳодиса идома дорад. 📲 Your.tj дар ➡️ Telegram / Facebook / Instagram / TikTok / Threads