Your Tajikistan

🇹🇯🇨🇳 Эмомалӣ Раҳмон бо нахуствазири Чин ҳамкориҳои иқтисодиро баррасӣ кард 19 октябр Президенти Тоҷикистон Эмомалӣ Раҳмон бо Ли Сян, нахуствазири Шӯрои давлатии Чин, мулоқот анҷом дод. Тавре хадамоти матбуоти Президенти Тоҷикистон хабар медиҳад, ҷонибҳо масъалаҳои густариши ҳамкориҳои иқтисодӣ, аз ҷумла афзоиши гардиши савдои дуҷонибаро баррасӣ карданд. Ҳаҷми мубодилаи мол миёни ду кишвар дар моҳҳои январ–августи соли ҷорӣ аз 2,5 миллиард доллар гузаштааст. Дар мулоқот ҳамчунин татбиқи лоиҳаҳои муштарак дар соҳаҳои саноат, энергетика, нақлиёт, инфрасохтор ва кишоварзӣ мавриди таваҷҷуҳ қарор гирифт. Ҷонибҳо истифодаи технологияҳои муосир, аз ҷумла зеҳни сунъӣ, таъсиси ҷойҳои нави корӣ ва омода кардани мутахассисонро низ баррасӣ кардаанд. Ли Сян барои иштирок дар ҷаласаи Шӯрои сарони ҳукуматҳои кишварҳои узви Созмони ҳамкории Шанхай, ки 20 октябр дар Душанбе баргузор мешавад, ба Тоҷикистон омадааст. 📲 Your.tj дар ➡️ Telegram / Facebook / Instagram / TikTok / Threads