Your Tajikistan

Дар соҳили обанбори «Роғун» беш аз 51 километр роҳ месозанд Дар соҳили чапи обанбори НБО-и «Роғун» дар масири Сайидон–Лабиҷар 51,4 километр роҳи мошингард бунёд карда мешавад. Шартномаи сохтмони ин роҳ имзо шудааст. Дар ин бора корхонаи «Тоҷикгидроэлектромонтаж» (ТГЭМ) 16 октябр хабар додааст. Лоиҳа сохтмони 51,4 километр роҳро дар бар гирифта, аз он 40,8 километр роҳи асосӣ ва 10,6 километр роҳҳои даромадгоҳӣ мебошанд. Интизор меравад, ки корҳои сохтмонӣ дар давоми се сол ба анҷом расанд. Арзиши умумии лоиҳа ҳанӯз эълон нашудааст. Маблағгузории он аз ҷониби Бонки осиёии сармоягузориҳои инфрасохторӣ таъмин карда мешавад. Фармоишгари лоиҳа Муассисаи давлатии «Мудирияти минтақаи зериобшавандаи НБО-и “Роғун”» буда, иҷрои корҳои сохтмонӣ ба зиммаи ҶСК «Тоҷикгидроэлектромонтаж» гузошта шудааст. Ба гуфтаи масъулон, бунёди ин роҳ барои беҳтар шудани робитаҳои нақлиётӣ байни маҳалҳои аҳолинишини атрофи обанбори «Роғун» мусоидат мекунад. 📲 Your.tj дар ➡️ Telegram / Facebook / Instagram / TikTok / Threads