Your Tajikistan

🇺🇿 Дар Ӯзбекистон барои зӯроварии ҷинсӣ нисбат ба кӯдакон ҳабси якумрӣ ҷорӣ мешавад Президенти Ӯзбекистон Шавкат Мирзиёев қонунеро имзо кард, ки ҷавобгариро барои зӯроварӣ нисбат ба кӯдакон пурзӯр менамояд. Дар ин бора роҳбари Дастгоҳи президенти кишвар Саида Мирзиёева хабар додааст. ⚖️ Тибқи қонуни нав, барои зӯроварии ҷинсӣ нисбат ба кӯдакони то 14-сола ҷазо дар шакли маҳрум сохтан аз озодӣ ба муҳлати то 25 сол ё ҳабси якумрӣ пешбинӣ шудааст. Барои чунин ҷиноятҳо муҳлати ба ҷавобгарӣ кашидан низ маҳдуд намешавад. 🛡 Қонун ба ноболиғони ҷабрдида ва шоҳидони зӯроварӣ гирифтани кумаки ройгони ҳуқуқиро кафолат медиҳад. Пурсиши кӯдакони ҷабрдида ҳатман ба навор гирифта мешавад, то онҳо маҷбур нашаванд ҳодисаро чанд маротиба бозгӯ кунанд ва осеби равонии иловагӣ набинанд. 🏫 Ҳамчунин, корфармоён метавонанд кормандони муассисаҳои таълимӣ ва тарбиявиро барои зӯроварӣ нисбат ба кӯдакон аз кор озод кунанд. Ҷазоҳои маъмурӣ барои беэътиноӣ ба нигоҳубини кӯдакон ва дигар қонуншиканиҳое, ки ба амнияти онҳо таҳдид мекунанд, низ сахттар мешаванд. 📊 Тибқи маълумоте, ки ҳангоми баррасии қонун дар Сенати Ӯзбекистон пешниҳод шудааст, соли 2025 дар муассисаҳои таълимии кишвар 122 ҳолати зӯроварӣ нисбат ба кӯдакон ошкор гардидааст. Аз ин шумора 38 ҳолат ба кӯдакистонҳо ва 84 ҳолат ба мактабҳо рост меояд. 📲 Your.tj дар ➡️ Telegram / Facebook / Instagram / TikTok / Threads