Your Tajikistan

Муҳлати сабти номи хориҷиён дар Тоҷикистон то 15 рӯзи корӣ дароз карда мешавад Дар Тоҷикистон пешниҳод шудааст, ки муҳлати сабти номи шаҳрвандони хориҷӣ ва шахсони бешаҳрванд пас аз ворид шудан ба кишвар аз 10 то 15 рӯзи корӣ зиёд карда шавад. Лоиҳаи тағйиротро Маҷлиси намояндагон баррасӣ кардааст. Тавре рӯзномаи парлумонии «Садои мардум» хабар медиҳад, масъала 7 октябр дар ҷаласаи иҷлосияи сеюми Маҷлиси намояндагон муҳокима шудааст. Лоиҳаро муовини вазири корҳои дохилӣ Баҳодур Холиқзода муаррифӣ кардааст. Тағйирот ба қисми дуюми моддаи 5-и Қонун «Дар бораи вазъи ҳуқуқии шаҳрвандони хориҷӣ ва шахсони бешаҳрванд дар Ҷумҳурии Тоҷикистон» дахл дошта, иваз кардани рақами «10» бо «15»-ро пешбинӣ мекунад. Ба гуфтаи Холиқзода, ҳадафи ин иқдом осон кардани будубоши шаҳрвандони хориҷӣ, рушди сайёҳӣ ва фароҳам овардани шароити муносиб барои меҳмонони кишвар мебошад. 📲 Your.tj дар ➡️ Telegram / Facebook / Instagram / TikTok / Threads