Your Tajikistan

Аз як таҳхона дар Душанбе 1,1 тонна маҳсулоти гӯштӣ мусодира шуд Дар ноҳияи Синои Душанбе ҳолати коркард ва фурӯши маҳсулоти гӯштӣ дар шароити ғайрисанитарӣ ошкор шудааст. Дар ин бора Раёсати ВКД дар шаҳри Душанбе хабар медиҳад. Ба иттилои манбаъ, сокини 38-солаи пойтахт Мақсудҷон Носиров дар таҳхонаи манзили худ, воқеъ дар кӯчаи Зафар, дастгоҳи хунуккунии худсохт насб карда, дар он маҳсулоти гуногуни гӯштиро нигоҳдорӣ ва коркард мекардааст. Маҳсулоти мазкур баъдан ба муштариёни доимӣ фурӯхта мешудааст. Зимни санҷиш аз ин макон 1 тонна шуши гов, 100 кило равғани гов, 40 кило сари гов ва 35 кило пои гов мусодира шудааст. Мақомоти милитсия хабар медиҳанд, ки маҳсулот дар шароити ғайрисанитарӣ нигоҳ дошта мешуд. Аз рӯйи ҳодиса маводи зарурӣ тартиб дода шуда, санҷиши пешакӣ идома дорад. 📲 Your.tj дар ➡️ Telegram / Facebook / Instagram / TikTok / Threads