Your Tajikistan

Пас аз муноқиша дар бозии футбол дар Хатлон 17 мухлис панҷ шабонарӯз ҳабс шуданд Дар ноҳияи Ҷалолиддини Балхии вилояти Хатлон 17 мухлиси футбол барои вайрон кардани тартиботи ҷамъиятӣ ҳангоми бозии дастаҳои «Сарой Камар» ва «Панҷшер» ба муҳлати панҷ шабонарӯзӣ ба ҳабси маъмурӣ гирифта шуданд. Дар ин бора Раёсати ВКД дар вилояти Хатлон хабар додааст. Бози 13 октябр баргузор шуда, бо ҳисоби мусовии 1:1 анҷом ёфт. Баъдан дар шабакаҳои иҷтимоӣ навори муноқиша ва бетартибиҳо миёни мухлисон паҳн гардид. Пас аз нашри навор кормандони милитсия иштирокчиёни ҳодисаро муайян карда, ба шуъбаи корҳои дохилӣ бурданд. Нисбат ба онҳо тибқи моддаи 460 Кодекси ҳуқуқвайронкунии маъмурии Тоҷикистон протокол тартиб дода шуд. Бо қарори суд ҳар кадоми онҳо ба муҳлати панҷ шабонарӯз ҳабс гардиданд. Раёсати ВКД дар Хатлон таъкид кардааст, ки муноқиша ва вайрон кардани тартиботи ҷамъиятӣ ҳангоми чорабиниҳои варзишӣ тибқи қонун боиси ҷавобгарӣ мегардад. 📲 Your.tj дар ➡️ Telegram / Facebook / Instagram / TikTok / Threads