Your Tajikistan

17 октябр дар Душанбе ҷашни Меҳргон ва ярмаркаи маҳсулоти кишоварзӣ баргузор мешавад Рӯзи 17 октябр дар Боғи фарҳангу фароғатии ба номи Абулқосим Фирдавсӣ дар шаҳри Душанбе ҷашни Меҳргон ва фестивал-ярмаркаи маҳсулоту техникаи кишоварзӣ баргузор мегардад. Чорабинӣ соати 09:00 оғоз мешавад. Дар доираи ҷашн чандин намоишу фестивали соҳавӣ баргузор хоҳад шуд, аз ҷумла: 🔹Фестивали занбӯриасалпарварон бо намоиш ва фурӯши асал; 🔹 Ҷашни себу ангур; 🔹Намоиш ва фурӯши оши палаву биринҷ; 🔹 Ҷашни тарбуз, харбуза ва каду. Кишоварзон аз минтақаҳои гуногуни кишвар маҳсулоти худро, аз ҷумла биринҷ, асал, сабзавоту меваҷотро ба намоиш ва фурӯш мегузоранд. Ҳамчунин, ошпазони моҳир таомҳои миллиро омода карда, ҳунармандони мардумӣ маҳсули дастони худро пешниҳод мекунанд. Вазорати кишоварзӣ иттилоъ додааст, ки маҳсулот дар ярмарка бо нархҳои дастрас ба фурӯш бароварда мешаванд. Ёдовар мешавем, ки тибқи қарори Ҳукумати Тоҷикистон аз 5 августи соли 2009 Меҳргон ҳамчун ҷашни миллӣ эътироф шуда, ҳамасола дар саросари кишвар таҷлил мегардад. Меҳргон дар баробари Наврӯз, Сада ва Тиргон аз ҷумлаи ҷашнҳои қадимаи миллии тоҷикон ба шумор меравад. 📲 Your.tj дар ➡️ Telegram / Facebook / Instagram / TikTok / Threads