Your Tajikistan

Муфтӣ: Ҷавонон бояд пеш аз тӯй ҳаёти оилавиро омӯзанд Саидмукаррам Абдулқодирзода, раиси Шӯрои уламои Тоҷикистон, аз афзоиши шумораи талоқ дар байни оилаҳои ҷавон изҳори нигаронӣ карда, пешниҳод намудааст, ки ҷавонон пеш аз издивоҷ ба омӯзиши ҳаёти оилавӣ машғул шаванд. Ӯ ин нуктаро дар наворе баён кардааст, ки Шӯрои уламо рӯзи 11 октябр нашр намуд. Ба гуфтаи Абдулқодирзода, омодагӣ ба издивоҷ бояд на танҳо ҷанбаҳои динӣ, балки масъалаҳои равоншиносӣ, ҷомеашиносӣ ва муносибатҳои инсониро низ фаро гирад. Ӯ таъкид кардааст, ки барои пойдории оила ҳар ду ҳамсар масъуланд. Муфтӣ ба унвони мисол аз кишваре ёдовар шудааст, ки гӯё дар он ҷо 80–85 дарсади издивоҷҳо бо пошхӯрии оила анҷом меёфтаанд. Ба гуфтаи ӯ, пас аз ҷорӣ шудани курсҳои кӯтоҳмуддати омодагӣ ба ҳаёти оилавӣ ин нишондиҳанда то 25 дарсад коҳиш ёфтааст. Аммо ӯ номи ин кишварро зикр накардааст. Абдулқодирзода бар ин назар аст, ки чунин курсҳо ба ҷавонон барои беҳтар дарк кардани масъулиятҳои зану шавҳар ва омодагии огоҳона ба зиндагии муштарак мусоидат мекунанд. 📲 Your.tj дар ➡️ Telegram / Facebook / Instagram / TikTok / Threads