Your Tajikistan

Муовини вазири маориф ба дидори Васлидаи 9-сола рафт Равшан Каримзода, муовини вазири маориф ва илми Тоҷикистон, ба дидори Васлида Сафарзода, духтари 9-сола аз шаҳри Гулистон рафт, ки наворҳои сурудхонии ӯ дар шабакаҳои иҷтимоӣ миёни садҳо ҳазор нафар тамошобин пайдо кардаанд. Раёсати маорифи вилояти Суғд 12 октябр хабар дод, ки зимни мулоқот ба шавқу рағбати духтар ба мусиқӣ ва имкониятҳои рушди минбаъдаи истеъдоди ӯ таваҷҷуҳ зоҳир шудааст. Ба иттилои манбаъ, бо назардошти вазъи саломатиаш Васлида ба таҳсили инфиродӣ фаро гирифта шудааст. Ӯ ҳамзамон ба мусиқӣ шавқи зиёд дорад. Наворҳои сурудхонии духтар чанде пеш дар шабакаҳои иҷтимоӣ паҳн шуда, таваҷҷуҳи корбарони зиёдро ба худ ҷалб карданд. Яке аз вижагиҳои истеъдоди ӯ ин аст, ки барои эҷоди оҳанг аз ашёи ошхона ва пойафзол истифода мебарад. 📲 Your.tj дар ➡️ Telegram / Facebook / Instagram / TikTok / Threads