Your Tajikistan

Суди олӣ ҳукми 12 соли зиндони навраси муттаҳам ба куштори ронандаи таксиро бекор кард Суди олии Тоҷикистон ҳукми навраси 17-соларо, ки моҳи июли соли ҷорӣ бо иттиҳоми куштори ронандаи таксӣ Лутфулло Сафарови 38-сола ба 12 соли зиндон маҳкум шуда буд, бекор кардааст. Қарори мазкур 15 сентябр қабул шудааст. Дар ин бора Азия-Плюс хабар додааст Дар Суди олӣ шарҳ додаанд, ки парванда барои тафтиши дубора ба Прокуратураи генералии Тоҷикистон фиристода шудааст. Наврас дар мурофиаи судӣ гуноҳи худро эътироф накардааст. Модари ӯ низ гуфтааст, ки писараш ба куштори мазкур даст надорад. Ба иттилои манбаъ, онҳо борҳо ба мақомоти давлатӣ муроҷиат кардаанд ва дар пайи ин муроҷиатҳо парванда барои тафтиши такрорӣ фиристода шудааст. Дар ҳоли ҳозир наврас дар боздоштгоҳи муваққатии шаҳри Бохтар нигоҳ дошта мешавад. Ҷасади Лутфулло Сафаров рӯзи 4 апрел дар заминҳои кишоварзӣ пайдо шуда буд. Ба гуфтаи наздикони марҳум, ба ӯ нӯҳ зарбаи корд зада, мошинашро рабудаанд. Аз ӯ чор фарзанд боқӣ мондааст. 📲 Your.tj дар ➡️ Telegram / Facebook / Instagram / TikTok / Threads