Your Tajikistan

Тоҷикистон дар 9 моҳ ба маблағи 11,4 миллион доллар картошка ворид кард Дар моҳҳои январ–сентябри соли 2026 ба Тоҷикистон 73,6 ҳазор тонна картошка ворид шудааст. Арзиши умумии ин маҳсулот 11,4 миллион долларро ташкил медиҳад. Ба ин нишондиҳанда картошкаи тухмӣ ва навъи барои истеҳсоли крахмал истифодашаванда низ дохил мешаванд. Дар ин бора Хадамоти гумруки Тоҷикистон маълумот додааст. Қисми асосии картошка аз Қазоқистон ворид шудааст, ки арзиши маҳсулоти интиқолёфта аз ин кишвар 7,7 миллион долларро ташкил медиҳад. Покистон бо 2,3 миллион доллар ва Афғонистон бо 749 ҳазор доллар дар ҷойҳои баъдӣ қарор доранд. Аз ҳаҷми умумии воридот 65,5 ҳазор тонна ба картошкаи дигари тару тоза ва хунуккардашуда рост меояд, ки арзиши он 10,1 миллион доллар аст. 🥒 Дар ҳамин давра Тоҷикистон инчунин 22,8 ҳазор тонна бодирингро ба маблағи 7,3 миллион доллар ворид кардааст. Таъминкунандаи асосии ин маҳсулот Афғонистон буда, ҳиссаи он 6,6 миллион долларро ташкил медиҳад. 🍅 Ҳаҷми воридоти помидор ба кишвар дар нӯҳ моҳи соли равон ба 16,4 ҳазор тонна расидааст. Арзиши он 6,8 миллион доллар мебошад. Помидор асосан аз Афғонистон ба маблағи 2,95 миллион доллар, Эрон 2,17 миллион доллар ва Туркманистон 917 ҳазор доллар ворид шудааст. 📲 Your.tj дар ➡️ Telegram / Facebook / Instagram / TikTok / Threads