Your Tajikistan

@your_tj · news · Russian · active

Subscribers 927 Subscribers, last 30 days: 928 → 927 −2 24h
Reach per post (ERR) 10.0%93 avg views
Posting 19.4/day last 13 minutes ago
Reactions per 1K views 2.1 ❤ 👍 🔥

Зеҳни сунъӣ ҳаракати нақлиётро дар ду чорроҳаи Душанбе танзим мекунад Дар ду чорроҳаи Душанбе чароғакҳои нави роҳнамоӣ насб шудаанд, ки бо истифода аз зеҳни сунъӣ вазъи ҳаракатро дар вақти воқеӣ таҳлил карда, давомнокии чароғи сабзро худкор муайян мекунанд. Ба иттилои Вазорати нақлиёти Тоҷикистон, чунин система дар чорроҳаи хиёбони Рӯдакӣ бо кӯчаи Бухоро, дар наздикии Кохи матбуот, инчунин дар чорроҳаи хиёбони Рӯдакӣ ва кӯчаи Қарамова, назди Донишгоҳи аграрӣ, фаъолият мекунад. Система шумораи мошинҳо, суръати ҳаракати онҳо ва ҳузури пиёдагардонро муайян мекунад. Бар асоси ин маълумот зеҳни сунъӣ интихоб мекунад, ки чароғи сабз барои кадом самти ҳаракат ва чӣ қадар вақт фаъол бошад. Бар хилофи чароғакҳои муқаррарӣ, давомнокии сигнали сабз вобаста ба сатҳи сербории роҳ тағйир меёбад. Интизор меравад, ки истифодаи чунин технология ба коҳиши танбашавии нақлиёт ва пешгирии ҷамъшавии зиёди мошинҳо дар чорроҳаҳо мусоидат кунад. Лоиҳа аз ҷониби КВД «Шаҳри ҳушманд» дар ҳамкорӣ бо Раёсати ВКД дар шаҳри Душанбе амалӣ мешавад. Ҳамзамон, дар чорроҳаи кӯчаҳои Раҳимӣ ва Сино, дар назди бинои Прокуратураи генералӣ, низ тағйирот ворид шудааст. Дар ин қитъа тарҳи ҳаракати нақлиёт навсозӣ шуда, барои гардиш ба чап хатти алоҳида ҷудо гардидааст. 📲 Your.tj дар ➡️ Telegram / Facebook / Instagram / TikTok / Threads

Views over time

0501006 Oct 07:1313 Nov 11:161006 Oct 07:13: 0 views13 Nov 11:16: 100 views
Snapshots we took after posting.
WhenViews
6 Oct 2026, 07:130
13 Nov 2026, 11:16100

Who shared this post

Posts in other channels we index that link to this one. (Forwards with a hidden source can't be traced.)

Nobody yet.