Global Gateway - стратегияи Иттиҳоди Аврупо барои рушди инфрасохтори устувор ва таҳкими шарикӣ дар кишварҳои гуногуни ҷаҳон мебошад. Он соҳаҳои энергетика, захираҳои об, тағйирёбии иқлим, рақамикунонӣ ва маорифро дар бар мегирад. Ба таъкиди Иттиҳоди Аврупо, ҳадафи ин ташаббус мусоидат ба «рушди устувори ба инсон нигаронидашуда, ки ҳеҷ касро дар канор намегузорад», мебошад. Дар Осиёи Марказӣ, аз ҷумла Тоҷикистон, ин стратегия ба яке аз абзорҳои муҳими Иттиҳоди Аврупо барои таҳкими ҳамкориҳои дарозмуддат бо кишварҳои минтақа табдил ёфтааст. Дар ин раванд Иттиҳоди Аврупо на танҳо ҳамчун донор, балки ҳамчун шарики манфиатдор ба рушди устувори кишварҳои минтақа баромад мекунад Барои Тоҷикистон, ки ҳиссаи зиёди аҳолиашро ҷавонон ташкил медиҳанд, масъалаи ҷойгоҳи ҷавонон дар ин стратегия аҳамияти хоса дорад. Таҳсил дар донишгоҳҳои Аврупо, азхуд кардани касбҳои рақамӣ, иштирок дар таҷрибаомӯзиҳои байналмилалӣ ва пайдо кардани ҷойҳои нави корӣ дар дохили кишвар, ҳамаи ин аз ҷумлаи имкониятҳоест, ки стратегияи Global Gateway-и Иттиҳоди Аврупо барои ҷавонони Тоҷикистон фароҳам меорад. https://your.tj/tj/history/global-gateway-va-javononi-tojikiston-tashabbusi-avrupoi-chi-imkoniyathoro-faroham-meorad