БОР барои рушди низоми нафақа ва хидматрасонии иҷтимоии Тоҷикистон $20,5 млн ҷудо кард Бонки осиёии рушд (БОР) барои дастгирии бахши нафақа ва хидматрасонии иҷтимоии Тоҷикистон 20,5 млн доллар кумаки молӣ тасдиқ кардааст. Тибқи иттилои БОР, ин маблағ дар пасманзари таъсири иқтисодиву молиявии даргириҳо дар Ховари Миёна ҷудо шуда, барои беҳтар намудани хизматрасониҳои нафақа, навсозии низоми пардохти нафақа ва кумакпулиҳои иҷтимоӣ равона хоҳад шуд. Ҳамчунин, ҳадафи тарҳ баланд бардоштани сифат, суръат ва дастрасии хизматрасониҳои иҷтимоӣ мебошад. Дар доираи лоиҳа таҳкими амнияти киберӣ, рақамикунонии ҳуҷҷатҳо, беҳтар намудани мубодилаи байниидоравии маълумот ва навсозии идораҳои Агентии суғуртаи иҷтимоӣ ва нафақа дар Душанбе ва Бохтар пешбинӣ шудааст. БОР мегӯяд, ки дар натиҷаи татбиқи ин барнома дастикам 320 ҳазор суғурташуда ва 250 ҳазор нафақахӯр метавонанд ба хизматрасониҳои иҷтимоии зудтар, бехатартар ва дастрас дастрасӣ пайдо кунанд. Аз ҳаҷми умумии маблағ 19,5 млн доллар аз Сандуқи рушди Осиё ва 1 млн доллар аз Сандуқи технологияҳои пешрафта ҷудо мешавад. Ҳамзамон, 12,32 млн доллар дар доираи бастаи дастгирии БОР барои кишварҳое, ки аз паёмадҳои иқтисодӣ ва молиявии даргириҳо дар Ховари Миёна осеб дидаанд, пешбинӣ шудааст. Дар бораи шарту шароити пешниҳоди ин маблағ ба Тоҷикистон иттилои дақиқ нашр нашудааст. 📲 Your.tj дар ➡️ Telegram / Facebook / Instagram / TikTok / Threads
Your Tajikistan
Subscribers
927
−2 24h
Reach per post (ERR)
10.0%93 avg views
Posting
19.4/day
last 20 minutes ago
Reactions per 1K views
2.1
❤ 👍 🔥
Views over time
| When | Views |
|---|---|
| 5 Oct 2026, 05:35 | 0 |
| 13 Nov 2026, 11:16 | 75 |
Who shared this post
Posts in other channels we index that link to this one. (Forwards with a hidden source can't be traced.)
Nobody yet.