Эмомалӣ Раҳмон хостори густариши истифодаи забони тоҷикӣ дар интернет ва илм шуд Президенти Тоҷикистон Эмомалӣ Раҳмон ба муносибати Рӯзи забони давлатӣ, ки ҳамасола 5 октябр таҷлил мешавад, шаҳрвандони кишвар ва ҳамватанони бурунмарзиро табрик намуда, ба ҳифзи забони модарӣ, пок нигоҳ доштани он ва васеъ кардани доираи истифодааш даъват кард. Дар паёми табрикӣ Эмомалӣ Раҳмон таъкид кардааст, ки забони тоҷикӣ-форсӣ дар тӯли ҳазорсолаҳо бахши муҳими таърих ва фарҳанги мардуми тоҷик буда, имрӯз низ яке аз омилҳои муҳими ваҳдати миллӣ ва худшиносии миллӣ ба ҳисоб меравад. Ба гуфтаи ӯ, забони тоҷикӣ ҳамчун инъикосгар ва ифодагари андешаҳои миллӣ, арзишҳо ва дастовардҳои мардум гузаштагони пурифтихорро бо имрӯз ва ояндаи неки миллату давлат пайванд медиҳад. Президенти кишвар зикр кардааст, ки дар 35 соли истиқлол дар Тоҷикистон Қонуни забони давлатӣ ва Барномаи рушди забони давлатӣ барои солҳои 2020–2030 қабул шуда, муассисаҳои соҳавӣ таъсис ёфтаанд. Ҳамчунин, луғатҳои гуногун ва осори классикони адабиёти тоҷик ба нашр расидаанд. Эмомалӣ Раҳмон бо таваҷҷуҳ ба рушди босуръати технологияҳои муосир ва зеҳни сунъӣ таъкид кардааст, ки забони тоҷикӣ бояд бо истилоҳоти муосир ғанӣ гардонида шуда, дастовардҳои илмӣ бештар ба фазои иттилоотии миллӣ ворид карда шаванд. Ӯ ҳамчунин муҳим донистааст, ки ба омӯзиши забони адабӣ ба кӯдакону ҷавонон ва риояи меъёрҳои забони тоҷикӣ таваҷҷуҳи бештар зоҳир карда шавад. 📲 Your.tj дар ➡️ Telegram / Facebook / Instagram / TikTok / Threads
Your Tajikistan
Subscribers
927
−2 24h
Reach per post (ERR)
10.0%93 avg views
Posting
19.4/day
last 32 minutes ago
Reactions per 1K views
2.1
❤ 👍 🔥
Views over time
| When | Views |
|---|---|
| 5 Oct 2026, 03:37 | 0 |
| 13 Nov 2026, 11:16 | 111 |
Who shared this post
Posts in other channels we index that link to this one. (Forwards with a hidden source can't be traced.)
Nobody yet.