🇮🇷 Пизишкиён дар СММ: «Эрон ба муколама бо ИМА омода аст, аммо забони зӯриро намепазирад» Президенти Эрон Масъуд Пизишкиён дар иҷлоси 81-уми Маҷмаи умумии СММ гуфт, ки Теҳрон барои муколама, дипломатия ва музокирот бо ИМА омода аст, аммо «забони зӯрӣ»-ро қабул намекунад. Пизишкиён иддао кард, ки Эрон дар пайи ҳамлаҳои ИМА ва Исроил ба кишвар қурбонии терроризм шудааст. Ӯ аз ҳамла ба мактаб, иншооти варзишӣ ва дигар объектҳо ёд кард. Президенти Эрон ҳамчунин гуфт, ки кишвараш барои ҳифзи худ ба тавонмандии дифоӣ ниёз дорад, аммо нияти таҷовуз ё ҳукмронӣ бар кишварҳои ҳамсояро надорад. Дар мавриди барномаи ҳастаӣ Пизишкиён таъкид кард, ки Эрон истифодаи осоиштаи энергияи ҳастаиро идома медиҳад ва барои сохтани силоҳи ҳастаӣ талош намекунад. Ӯ ҳамчунин вазъи Ғаззаро баррасӣ карда, аз кушта шудани беш аз 80 ҳазор нафар ва кӯчонидани зиёда аз 100 ҳазор нафар ёдовар шуд. 📲 Your.tj дар ➡️ Telegram / Facebook / Instagram / TikTok / Threads