Дәулет Жұмабаевтың «Kesu» атты қазақстандық-кореялық атыс-шабыс фильмі прокатқа шықты. Фильмнің басты кейіпкері — «Жаужүрек мың бала» тарихи экшні арқылы танылған Асылхан Төлепов сомдаған Дидар есімді жас спортшы. Дидар қарындасы Әсиямен (Мерей Мақажан) бірге кореялық тәлімгердің (Jang Duk Pal) жетекшілігімен таэквондомен айналысады. Бірде Қазақстанда өтетін жарысқа оңтүстіккореялық таэквондошылар (Joo Woo Geon) келеді. Осыдан кейін Дидардың өмірі күрт өзгереді. Жігітке Сеулге баруға тура келеді. Онда оны қанды қақтығыстар, отбасының ескі құпиялары, кек алу және қылмыскерлермен сансыз жекпе-жек күтіп тұр. Киносынша Ғалия Байжанова өз рецензиясында бұл фильм спорттық кино жанкүйерлеріне ғана емес, қалың көрерменге ұнауы мүмкін екенін айтады.