Риддерде «Бір қабатты Шығыс» бағдарламасы бойынша көпбалалы және әлеуметтік жағдайы осал отбасыларға арнап үйлер салынып жатыр. Аталмыш бағдарлама арқылы баспанаға қол жеткізгендер өз кезегін 10-20 жылдап күткен. Бірақ енді тұрғындар балаларымен бірге едені суық, сыз иісі шығатын және зең басқан үйде тұруға мәжбүр болып отырғанын айтады. «Алаша төсейміз, таңертең сыз тартып тұрады. Суық мезгілде жағдай қалай болатынын әзір білмейміз, жаңбыр мен жел кезін көрдік. Таңертең ауа ауыр болып тұрады, күні бойы терезелерді ашып қоямыз. Бала азынақ бөлмеде ойнайды», — дейді Надежда Троеглазова. Ол балалар үйінде өсіп, кейін көпбалалы ана ретінде баспана алу кезегінде 22 жыл тұрған. Тұрғындардың көбі баспананы биыл көктемде немесе жазда алды, сондықтан бұл үйлер қыс қаһарына қалай төтеп беретінін білмейді. Ал осы үйлерді жекеменшік құрылыс салушылардан сатып алған әкімдік тұрғындардан айтарлықтай ескерту алған жоқпыз, үйлердің конструкциясынан проблема тапқан жоқпыз деп отыр. Репортаж