«Қазақстандық арман» қандай болуы керек дегенге көпшіліктің нақты жауабы бар-жоғы әлі белгісіз. Шынайы арман мен әлеуметтік желілерде таңылған «табыс шаблондарын» қалай ажыратуға болатыны да түсініксіз. Өйткені баспана, көлік, жоғары табыс пен беделді лауазымды жинап қойсақ, арғы жағында не қалады? Қатардағы қазақстандық одан бөлек не нәрсені аңсайды: қауіпсіздік пе, таңдау бостандығы ма, балаларына жарқын болашақ сыйлау ма, басқа нәрсе ме, әлде осының бәрі ме? Саясаттанушы Досым Сәтбаев жеке бағанында осы сұрақтарға ой толғайды. "...Жаңа жалпыұлттық армансыз елдің даму бағытын айқындау оңайға соқпайды. Сондықтан жоғарыдан таңылған идеологиялық бағдарламалар емес, елді біріктіретін басты идеялар төңірегінде қоғамдық мәміле керек. Яғни, біз түрлі жеке армандарды түйістіретін ортақ идеяны әлі іздеп жүрміз ".