Соттар жеке деректердің қорғалуын қамтамасыз ете алмайды, ал журналистер оны таратқаны үшін айыпты болады. Өткен аптада мәдениет және ақпарат министрлігі істің ашық сотта қаралуы немесе сот шешімінің жариялануы ондағы дербес деректерді еркін таратуға негіз болмайды деп мәлімдеді. Бұл мәлімдеме журналист Александра Алеховаға қатысты үкімнен кейін айтылды. Ол ашық дереккөздегі сот құжаттарын пайдаланғаны үшін үш жылға бас бостандығынан айырылған еді. Министрліктің бұл ұстанымы күмән тудырады. Біріншіден, «Дербес деректер туралы» заң бойынша журналистер ақпаратты азаматтың келісімінсіз-ақ жинап, өңдей алады. Екіншіден, халықаралық заңнама қоғамдық мүдде таразыға түскенде, тіпті заңмен қорғалатын құпияны да жариялауға рұқсат береді. Ольга Логинованың бағаны.