"FURQAT — OLTIARIQ" UCHASTKASIDA MUVAFFAQIYATLI "OKNO" TASHKIL ETILDI Mahalliy aholining temir yo‘llarni xavfsiz kesib o‘tishini ta'minlash hamda poyezdlar harakati xavfsizligini yanada oshirish maqsadida muhim loyiha amalga oshirildi. 2026-yilning 2-noyabr kuni soat 20:00 dan 3-noyabr kuni soat 06:00 gacha 10 soat mobaynida "Furqat – Oltiariq" temir yo‘l stansiyalari oralig‘idagi 240-kilometr 5-piketida maxsus turdagi texnikalardan foydalangan holda temir yo‘l ostidan 2,0x2,0 metr o‘lchamdagi temir-beton tunnel qurish ishlari bajarildi. Mazkur mas'uliyatli tungi "okno" jarayoni "Qo'qon MTU" filiali boshlig‘i B.P. Milladjanov tomonidan shaxsan nazorat qilinib barcha xavfsizlik va mehnat muhofazasi qoidalariga to‘liq rioya etilishi, ish joyining tungi yoritgich chiroqlari bilan ta'minlanishi hamda harakat xavfsizligi qat'iy nazorat ostiga olindi. Shuningdek, belgilangan tartibda ishlar yakunlangach, poyezdlar harakati xavfsiz yo‘lga qo‘yilib, yo‘lning barqaror holatga kelishi to‘liq ta'minlandi.