"Afrosiyob" yo‘lovchi elektropoyezdi harakatlanadigan temir yo‘l uchastkasi piyoda tekshirib o‘tildi Temir yo‘l infratuzilmasining texnik holatini doimiy nazorat qilish va poyezdlar harakati xavfsizligini ta’minlash maqsadida joylarda profilaktik tekshiruvlar kuchaytirilmoqda. Shu munosabat bilan, joriy yilning 29-oktabr kuni “Qarshi mintaqaviy temir yo‘l uzeli” filiali rahbari M.X. Mirzayev tomonidan yuqori tezlikda harakatlanuvchi "Afrosiyob" yo‘lovchi elektropoyezdi qatnovi amalga oshiriladigan Qashqadaryo–Qarshi stansiyalari oralig‘idagi temir yo‘l uchastkasi piyoda tekshirib o‘tildi. Nazorat tekshiruv davomida temir yo‘l izlarining texnik holati, rels va shpallar, kontakt tarmog‘i, signalizatsiya hamda aloqa qurilmalari, qo‘riqlanadigan temir yo‘l kesishmalari, sun'iy inshootlar, qo‘riqlash postlari va panjara to‘siqlarining holati batafsil ko‘zdan kechirildi. Aniqlangan kamchiliklar yuzasidan mas'ullarga tegishli ko‘rsatmalar berilib, ularni qisqa muddatlarda bartaraf etish bo‘yicha vazifalar belgilandi. 🏢 Qarshi MTU matbuot xizmati. 📌WebSite 📱Telegram 📱Instagram 📱Facebook 📱YouTube✉️ Rahbarga_murojaat