HARAKAT XAVFSIZLIGI KUNIDA Bugun, 9-sentyabr kuni o‘tkazilgan “Poyezdlar harakati xavfsizligi” kunida “Termiz MTU” filiali boshlig‘i G‘.O.Mamadaliyev “O‘zbekiston temir yo‘llari” AJ boshqaruv raisi tomonidan tasdiqlangan 1-N-sonli “Harakat xavfsizligini ta’minlash chora-tadbirlari to‘g‘risida”gi buyrug‘i ijrosini ta’minlash maqsadida G‘alaba stansiyasida nazorat ko‘rigi o‘tkazdi. Stansiyada mas’ul rahbarlar ishtirokida tasdiqlangan jadvalga asosan o‘tkazilayotgan “Komission oylik ko‘rigi” (KMO) da filial rahbari ham ishtirok etib, har bir xo‘jalik kesimida sinchiklab ko‘rib chiqilishi bu esa harakat xavfsizligi uchun katta ahamiyat kasb etishini ta’kidlab o‘tdi. Ko‘rik davomida stansiyada ekspluatatsion ishlarni yaxshilash borasida mavjud muammolar o‘rganilib yechimi yuzasidan mas’ul rahbarlarga joyida topshiriq va ko‘rsatmalar berilib nazoratga olindi. Shundan so‘ng G‘alaba stansiyasining ko‘rik parkida Uzel rahbarining taklifiga asosan mavjud imkoniyatlardan foydalangan holda yana bitta qo‘shimcha yo‘l qo‘yish ishlarini ko‘zdan kechirib, ishlarni jadallashtirish borasida xo‘jaliklar kesimida topshiriq va vazifalar belgilab berildi. Ushbu qo‘shimcha yo‘lning ishga tushirilishi istiqboldagi rejalarni amalga oshirish, yuklar oqimining ortishi sharoitida poyezdlar harakatining uzluksizligini ta’minlash hamda stansiyaning ekspluatatsion imkoniyatlarini kengaytirishga xizmat qiladi. "Termiz MTU" filiali matbuot xizmati Rasmiy sahifalarimiz: 🚉 📱 Telegramm |📱 Facebook |📱 Web|