Samarqand vagon deposidagi ishlar o‘rganildi Bugun “O‘zbekiston temir yo‘llari” AJ bosh muhandisi Sh.T. Kadirov boshchiligida, Buxoro mintaqaviy temir yo‘l uzeli filiali rahbari ishtirokida Samarqand vagon deposida olib borilayotgan ishlar holati yaqindan o‘rganildi. O‘rganish davomida depo hududida vagonlarni ta’mirlash jarayonlari, bajarilayotgan ishlarning sifati hamda belgilangan talablar asosida tashkil etilishi alohida nazoratdan o‘tkazildi. Xususan, poyezdlar harakati xavfsizligini ta’minlash, ta’mirdan chiqarilayotgan vagonlarda turli nuqsonlarning oldini olish, vagonlarni texnik jihatdan soz va xavfsiz holatda foydalanishga topshirish masalalariga alohida e’tibor qaratildi. Mas’ullarga vagonlarni ta’mirlash ishlarini sifatli, belgilangan muddatlarda va amaldagi texnik talablar asosida bajarish, aniqlangan kamchiliklarni o‘z vaqtida bartaraf etish yuzasidan tegishli ko‘rsatma va topshiriqlar berildi. O‘rganish yakunida vagonlar ta’miri sifatini yanada oshirish hamda harakat xavfsizligini ta’minlash bo‘yicha zarur chora-tadbirlarni kuchaytirish belgilab olindi. Rasmiy sahifalarimiz⤵️ Site | Telegram | YouTube | Instagram | Facebook | Virtual murojaat