🇺🇿 MUSTAQILLIK - KECHA, BUGUN VA BUYUK KELAJAK SARHADLARIDA “Yagona Vatan, yagona xalq bo‘lib, yangi hayot va kelajak yaratamiz” degan ezgu g‘oya ostida “Toshkent mexanika zavodi” AJda O‘zbekiston Respublikasi mustaqilligining 35 yilligiga bag‘ishlangan bayram tadbiri bo‘lib o‘tdi. 🎙 Tadbirda O‘zbekiston tarixi davlat muzeyi filiali - Toshkent muzeyi mudiri Xodjayev Baxtiyor Rahmatullayevich mazmunli ma’ruza bilan ishtirok etdi. Ma’ruzada mustaqillikkacha bo‘lgan murakkab tarixiy jarayonlar, xalqimizning ozodlik va erkinlik sari intilishi, mustaqillikning qo‘lga kiritilishi hamda undan keyingi bunyodkorlik va taraqqiyot yo‘li haqida qiziqarli va ta’sirchan fikrlar bildirildi. 🏅 Bayramning yana bir quvonchli lahzasi - bir qator fidoyi xodimlarning “O‘zbekiston Respublikasi mustaqilligining 35 yilligi” esdalik nishoni bilan taqdirlangani bo‘ldi. 🤝 Tadbirda “Toshkent mexanika zavodi” AJ Boshqaruv raisi - Bosh direktor Z.Z. Isoqov so‘zga chiqib, jamoani ulug‘ bayram bilan samimiy muborakbod etdi. Yurtimiz tinchligi, xalqimiz farovonligi va zavod jamoasining kelgusidagi muvaffaqiyatlariga ezgu tilaklar bildirdi. Shuningdek, Kasaba uyushma qo‘mitasi raisi N.M. Tashniyazov jamoani Mustaqillik bayrami bilan samimiy tabrikladi. ✨ 35 yil - shunchaki sana emas. Bu - tarix, mashaqqat, bunyodkorlik va ertangi kunga bo‘lgan ishonch timsolidir. 🇺🇿 Mustaqilligimiz abadiy bo‘lsin! Yagona Vatan, yagona xalq - yagona buyuk maqsad sari! |Site|Telegram|Facebook|YouTube|Instagram|X