HARAKAT XAVFSIZLIGI — USTUVOR VAZIFA Joylarda poyezdlar harakati xavfsizligini ta’minlash hamda Jamiyat rahbariyati tomonidan berilgan topshiriqlar ijrosini nazorat qilish maqsadida “Termiz MTU” filiali boshlig‘i G‘.O.Mamadaliyev G‘alaba stansiyasi va stansiyaning ko‘rik parkida amalga oshirilayotgan ishlarni ko‘zdan kechirdi. Nazorat davomida stansiyadagi ekspluatatsion ishlarning borishi, ishchi-xodimlarning o‘z xizmat vazifalarini mas’uliyat bilan bajarishi, mehnat muhofazasi va texnika xavfsizligi talablariga rioya etilishi atroflicha o‘rganildi. Shuningdek, stansiya hududidagi yo‘llar hamda strelkali o‘tkazgichlarning texnik holati birma-bir ko‘zdan kechirildi. G‘alaba stansiyasining ko‘rik parkida ham harakat xavfsizligi talablariga qat’iy rioya etilishi, ishlarning belgilangan texnologik jarayonlar asosida sifatli va o‘z vaqtida bajarilishi, temir yo‘l izlarining texnik holati hamda hududda olib borilayotgan ishlar nazorat qilindi. Nazorat safari yakunida mas’ul rahbarlar ishtirokida amalga oshirilayotgan ishlar, mavjud masalalar va istiqboldagi rejalar yuzasidan suhbatlashilib, belgilangan vazifalarning sifatli va o‘z vaqtida bajarilishini ta’minlash bo‘yicha tegishli chora-tadbirlar belgilab olindi. "Termiz MTU" filiali matbuot xizmati Rasmiy sahifalarimiz: 🚉 📱 Telegramm |📱 Facebook |📱 Web|