BAXTSIZ HODISALARNI OLDINI OLISH, MEHNAT MUHOFAZASI BOʻYICHA MUHOKAMA Qoʻqon MTU filiali bosh muhandisi U.R.Majidov va Harakat xavfsizligi va mehnat muhofazasi nazorati departamenti bosh noziri A.I.Toshmatov boshchiligida tegishli rahbarlar, tarmoq rahbarlari va masʼul xodimlar ishtirokida kengaytirilgan muhokama yigʻilishi oʻtkazildi. Uchrashuvda ECHK-26 elektromexanigi Sotvoldiev Abdumavlon Ibrohimjon oʻgʻli bilan sodir boʻlgan baxtsiz hodisa atroflicha va tanqidiy muhokama qilinib, kamchiliklar qatʼiy tahlil etildi. Muhokama jarayonida: - Mehnat muhofazasi, elektr va harakat xavfsizligi talablariga rioya etilishini taʼminlash; - Ishlarni boshlashdan oldin havfsizlik talablarini toʻliq, sifatli va barcha xavfsizlik choralarini koʻrgan holda bajarish; - Har bir ish joyida nazoratni yanada kuchaytirish, texnologik intizomga qatʼiy boʻysunishga urgʻu berildi. Yigʻilish yakunida ish jarayonlarini toʻgʻri bajarish boʻyicha amaliy mashgʻulot oʻtkazilib, barcha xodimlarga namuna sifatida koʻrsatildi.