«Республикин йукъараллин боламан «Турпалхойн» декъахоша даггара декъалво вайн Мехк-Да Ахьмад-Хьажин Рамзан а, вайн къам а Нохчийн меттан денца! Вайн Мехк-Дех Ахьмад-Хьаьжин Рамзанах вайн махкана а, вайн къомана а, Делан къинхетамца, даьллачу беркатех цхьа беркат ду вай тахана, оханан беттан 25-чу дийнахь даздеш дерг – Нохчийн меттан де! «Нохчийн къам дийна хиларан мокхазан ч1аг1о йу ненан мотт» – т1улга т1е йаздина йоза санна, нохчийн иэсан тептар т1е д1айаздина ду Нохчийн Республикин Хьалхарчу Президентан 1абдулхьамидан Ахьмад-Хьаьжин дешнаш. Нохчийн Республикин Куьйгалхочо Ахьмад-Хьаьжин Рамзана оханан беттан 25-чу оханахь - Нохчийн меттан Де аьлла, къастийначу шарахь дуьйна, хӀора шарахь нохчийн къоман синкхетам шорлуш, лакхаболуш бу. Б1аьстенан зазанца хазлучу махках терра хуьлу Нохчийн Мохк, Нохчийн меттан де даздеш.