Тыва дыл болгаш чогаал башкыларынга мөөрей Национал школа хөгжүдер институт тургустунганындан бээр 20 чыл болган оюнга тураскаадып, 2026 чылдың октябрь 13-14-те тыва дыл болгаш чогаал башкыларынга «Тергиин тыва дыл башкызы» деп республика чергелиг мөөрейни эрттирерин институт дыңнаткан. Мөөрейни «Тыва дыл», «Тыва чогаал», «Улусчу ужурлар» башкыларының шылгараңгай арга-дуржулгазын илередип, ону нептередип, башкыларны деткиир сорулга-биле эрттирип турар. Республика чергелиг мөөрейге кожуун (хоорай) бүрүзүнден чаңгыс башкы киржир. Тус черниң Өөредилге эргелели кожуун (хоорай) чергелиг мөөрейни организастап эрттиргеш, тиилекчи башкыны республика чергелиг мөөрейже киириштирип чорудар. Мөөрейни эрттирер чуруму irnsh.ru/wp-content...