⚡️Үшкү хүн: Соңгукчуларның 77 ажыг хуузу бадылаан ✍️Тыва Республиканың Соңгулда комиссиязының даргазы Адыгжы Донгактың дыңнатканы-биле сентябрь 20-де, соңгулдаларның үшкү хүнүнде, республиканың девискээринде 187 соңгулда комиссиязы ажылын уламчылап турар. Ол республиканың чурттакчылары соңгулдаларда идепкейлии-биле киржип турарын чугаалаан. «Сүт-Хөл, Өвүр, Бай-Тайга кожууннарның соңгукчулары эң-не идепкейлиин көргүзүп турар. 15.00 шакка чедир бүрүткеттинген соңгукчуларның 77,90 хуузу (161335 кижи) бадылаан. Бадылаашкын эгелээнден бээр хажыдыышкыннар демдеглеттинмээн» – деп, Адыгжы Донгак чугаалаан. Тываның соңгулда комиссиязы медээзи-биле алырга, республикада 207092 соңгукчу бүрүткеттинген. уланчызы