⚡14 дугаар соңгулда участогу: Соңгукчулар идепкейлиг бадылап турар ✍Кызылдың 14 дугаар соңгулда участогунуң даргазы Айлана Чамыянның дыңнатканы-биле алырга, даңзыда 2458 соңгукчу бар. Олар идепкейлии-биле бадылап турар. Комиссия кежигүннери кадыкшылының байдалы азы назылап кырааны-биле кээп шыдавас соңгукчуларже чедип турар. Тываның соңгулда комиссиязы медээзи-биле алырга, республикада 210820 соңгукчу бүрүткеттинген, оларның 78260-зы административтиг төпте. Сентябрьның 18, 19, 20 хүннеринде 8:00 шактан 20:00 шакка чедир, бүрүткеткен чериңер аайы-биле соңгулда участоктарынга баргаш, бадылап болур силер.