⚡️«Эзирлер уязы» төлевилел: Кызыл-Дагда чаа спорт залының тудуунда ✍️Бай-Тайга кожууннуң Кызыл-Даг сумузунда «Эзирлер уязы» төлевилел-биле чаа спорт залын тудуу уламчылап турарын чагырга чери дыңнаткан. Кожууннуң чагырга даргазы Чингис Салчак Кызыл-Даг школазының девискээринде туттунуп турар объектиде тудуг ажылдарын хынап көрген. Улуг залды спорттуң аңгы-аңгы хевирлеринге ажыглаары база көрдүнген. Сумунуң уруглары болгаш аныяктары хостуг үезин шын ажыглап, спорт-биле өңнүктежир аргалыг апаар. Чоокку үеде ажыглалче киирер деп турар чаа объект Бай-Тайгада дөрткү спорт залы болуп турар. Ооң мурнунда «Эзирлер уязы» төлевилел-биле Хемчик, Шуй болгаш Кара-Хөл сумуларынга ындыг залдарны туткан. Кызыл-дагжылар тудуг ажылдарынга идепкейлиг киржип турар.