⚡️Баштыңы Өвүр кожуунга ажылчын сургакчылап кээп чораанын кожууннуң чагырга даргазы Айдыс Куулар дыңнаткан. ✍️– Тываның Баштыңы Владислав Ховалыг Р-257 «Енисей» федералдыг автооруктуң Солчур биле Хандагайты суурлар чоогунда участогунда септелге ажылын, Хандагайты суурда асфальт-биле шыпкан чаа оруктарның байдалын база хынаан. Орук инфратургузуундан аңгыда, Тываның Баштыңы Хандагайты ортумак школазынга чедип, башкылар-биле ужурашкан. Ол ышкаш төп кожуун эмнелгезиниң кол эмчизи-биле ажыл-агыйжы чугааны кылган. «Хандагайты» автомобиль эрттирилге пунктузунуң тудуунуң ажылын федералдыг деңнелге чорударын планаан. Кожуунувустуң хөгжүлдези-биле холбашкан элээн каш кол айтырыгларны сайгарып чугаалаштывыс. Тываның Баштыңынга бистиң сагыш човаашкыннарывыска кичээнгейлиг болуп, деткимчези дээш өөрүп четтирдим.