📸 Кожууннуң удуртулгазы кышка мал чеминиң белеткелиниң ниити байдалын хынап, сиген шөлдеринче үнүүшкүннерни чорутканын чагырга чери дыңнаткан. Сиген кезилдезинде ажыл кидин түлүк чоруп турар. Мал чеминиң планының күүселдези – 65 хуу. Бай-тайгажылар 10674,0 тонна сигенни кезип белеткээн. Кожууннуң курлавыр фондузунче 40 тонна сигенни белеткээри көрдүнген. Хууда сайгарлыкчылар: Начын Баавыл – 10,0 тонна (Бай-Тал) база Шораан Салчак – 10,0 тонна (Шуй) нормазын күүсеткен.