⚡️Тээлиде культура бажыңының тудуунда ажылдар шалыпкын чоруп турар ✍️Бай-Тайга кожууннуң Тээли сумузунда «Сорунза» төлевилел-биле культура бажыңының тудуунда ажыл кидин тулук чоруп турарын чагырга чери дыңнаткан. Тудуг объектизинде кожууннуң культура эргелелиниң, культура одагларының коллективтеринден аңгыда, өске-даа албан черлериниң төлээлери ажылдап, идепкейлиг киржип турар. Тээлижилер чонну хаара тудар сорунзалыг культура бажыңын ажыглалче кирерин четтикпейн манап турар. Тывада «Сорунза» төлевилел-биле бо чылын Кызыл кожууннуң Ээрбек, Улуг-Хем кожууннуң Арыг-Үзүү, Чеди-Хөл кожууннуң Сайлыг, Бай-Тайга кожууннуң Тээли суурларга дөрт чаа культура бажыңын тудуп турарын сагындыраал.