📸 Эйлиг-Хем сумузу Улуг-Хем кожууннуң чедери берге булуңнарынга хамааржыр. Эйлиг-хемчилер чайын паром, кыжын дош оруу-биле аргыжып турарын чагырга чери дыңнаткан. Сумунуң чурттакчылары мал чеминиң белеткелин демниг доозуп, хем кежир сөөртүп четтигерин кызыдар. Эйлиг-хемчилер агаар-бойдустуң кааң хүннерин ажыглап, сигенин кезерин доозуп, дүрүг-дүрүг сигеннерни удур-ла хем кежир сөөртүп, чай чок ажылдап турарлар.