Шабнами Сурайё, овозхони попи тоҷик 45-солагиашро таҷлил мекунад — 14 октябри соли 1981 дар шаҳри Кӯлоб ба дунё омадааст. Ӯро аз машҳуртарин овозхони тоҷик медонанд, ки дар Эрону Афғонистон низ дӯстдорони бисёре дорад. Вай сурудҳои Сурайё Қосимова, Фарҳоди Дарё, Лайло Фуруҳар ва Аҳмад Зоҳирро низ бозхонӣ кардааст. Шабнам соли 2004 бо суруди "Ман садқаи ту"дар саҳнаи мусиқии Тоҷикистон зуҳур кард, аммо замоне номдор шуд, ки яке аз сурудҳояш «Аз қудуми сафар» дар соли 2006 беҳтарин суруди Тоҷикистон шинохта шуд. Дар солҳои 2008—2009 бо ибтикори ширкатҳои хориҷӣ панҷ консерт дар Аврупо, Канада ва 10 консерт дар Иёлоти Муттаҳидаи Амрико баргузор кардааст. Дар соли 2014 сазовори ҷоизаи беҳтарин ҳунарпешаи кишварҳои форсизабон, дар озмуни мусиқии «Big Apple Award», дар шаҳри Ню Йорк гардид. Соли 2007 Созмони Миллали Муттаҳид Шабнами Сурайёро Сафири ихтиёрии СММ аз ҷониби Тоҷикистон таъйин намуд, то ки барои рушди барномаи СММ доир ба мубориза зидди бемории норасоии масъунияти бадан БНМБ мусоидат намояд. #культура 🌐 Telegram | 🌐 VKontakte | 🌐 Rutube | 🌐 Савол додан ё хабар пешниҳод кардан Ба канали TjRusNews обуна шавед!