Табрез Шаҳидӣ аз навиштаҳои худ ва таҳқири бархе аз корбарони шабакаҳои иҷтимоӣ изҳори пушаймонӣ кард ва гуфт, "шояд иштибоҳ кардааст". «Вокуниши ман танҳо ба таҳқирҳое нигаронида шуда буд, ки дар садҳо паём ба суроғи ман ва оилаам фиристода шуданд», — навишт вай пас аз посухҳои густурдаи корбарон ба ин пости Шаҳидӣ. Вай афзуд, ки аз кардааш афсӯс мехурад, зеро он боиси санги маломат ба сӯи хонавода ва гузаштагонаш шуд. "Хоҳиш мекунам, волидон, бародарон, ва аҷдодони маро ба ҳоли худ гузоред», — афзуд вай. Табрез Шаҳидӣ, продюсер, писари оҳангсози машҳури тоҷики муқими Русия Толибхон Шаҳидӣ баъди сафараш бо Михаил Галустян ба Тоҷикистон ва вокунишҳои корбарони сигменти тоҷикӣ ба ин сафар хашмгинона чанд ҷумлае навиштаву сипас онро пок кард. Ин навиштаи вай анлангаи баҳсҳои сафари Галустян ба Тоҷикистон равған рехт. Корбарони тоҷик аз сафари актёре, ки муҳоҷирони тоҷикро зери масхара ва таҳқир кашидааст, шадидан норозигӣ карданд. #новости 🌐 Telegram | 🌐 VKontakte | 🌐 Rutube | 🌐 Савол додан ё хабар пешниҳод кардан Ба канали TjRusNews обуна шавед!